Manga

أبراج الخميس14أبريل2022 | موقع ستيب


#أبراج الخميس14أبريل2022🔮

القمر مستمر ببرج العذراء ♍

 

الحمل♈

 

حاول ترتب امورك وخاصة اذا في دراسة او شغل او امورك بدك تخلصها وانتبهلي من التراكمات وخلص الضروري وعم شوفك هاليوم عم تتحرك باكتر من قصة ولازم تهتم بصحتك اكتر وتفكر بشغل يريحك اكتر ..

❤️عاطفيا : ممكن تتحول علاقة زمالة لحب عندك وببالك كتير قصص ويبدو عم تفكر بشخص لكن ماعم تعرف تحكيه ..

النسبة المئوية :

مهنيا : %69   ماليا : %64   عاطفيا : %60   صحيا : %58

 

الثور♉

 

بعدها حظوظك حلوة وعندك اخبار بتفرحك وعم تتلقى مساعدة من كتير اشخاص ومحبين كتير حولك وعم تكون أفضل بكتير ووضعك بيتحسن شوي شوي وقادر تكسب مبالغ مالية وعم تهتم بقصة بتخص طفل ..

❤️ عاطفيا : يوم في رومنسية وانت افضل بكتير ويومك جيد عاطفيا لأن ممكن يشهد عودة حب قديم ورومنسية كمان..

النسبة المئوية :

مهنيا : %84   ماليا : %83   عاطفيا : %86   صحيا : %78

 

الجوزاء♊

 

عندك قصة او مناسبة بالبيت ويبدو عم تقابل ناس كتير او تزور صديق الك ببيتو وانتبه هاليوم للمقربين منك وحاول تكون هادي واهتم باهلك وعيلتك وخاصة اذا في امور صحية شاغلة بالك وانتبه بقصص العقارات

❤️عاطفيا : هاليوم خليك رايق لان في اشخاص مقربة منك عم تخرب عليك علاقتك ومو مرتاح كتير ..

النسبة المئوية :

مهنيا : %68   ماليا : %61   عاطفيا : %67   صحيا : %63

 

السرطان♋

 

بتحس انك نشيط والاضواء مسلطة عليك وعم تتواصل مع ناس بعيدة وفي شي بخص سفر وعم يكون الك حضورك وطلتك وموبايلك مابيهدى وعم تتواصل مع اشخاص مهمة وعم يكون عندك فرصة شغل بالاعلام ..

❤️ عاطفيا : عم يكون يوم مميز وانت بوضع جيد لتحسن علاقتك بالشريك وتحكيه اشخاص جدد وعلى مستوى ..

النسبة المئوية :

مهنيا : %75   ماليا : %70   عاطفيا : %77   صحيا : %68

 

الأسد♌

 

عم يكون عندك مبالغ مالية واغلب تفكيرك بالمال وعم تدفع وتقبض واستغل يومك لتحصل على حلول او تجيك حوالة وخفف مصروفك وكرمك ويمكن في عزيمة او مساعدة بتجيك او سهرة واكل طيب ..

❤️عاطفيا : افي علاقات لكن لازم الشريك يعزمك لتحبو اكتر هاليوم او تسهر سهرة حلوة ..

النسبة المئوية :

مهنيا : %73   ماليا : %78   عاطفيا : %75   صحيا : %77

 

العذراء♍

 

بعد مشاكل وضغط يوم بعد يوم عم تتحسن اوضاعك وفي حسم بامورك وقرارات بتساعدك ترتاح وبتخلص من اشخاص عم تتجاوز كتير ازمات ومشاكل واطمن المكاسب هية الأفضل وانت مقبل على بداية شراكة ..

❤️عاطفيا : عم يكون من الايام يلي بتحملك اجواء عاطفية حلوة فاستغل يومك لتحل مشاكلك ..

النسبة المئوية :

مهنيا : %90   ماليا : %87   عاطفيا : %85   صحيا : %82

 

الميزان♎

 

بعدك مدايق والاشخاص يلي حولك عم يستفزوك وحاول تهدي بالشغل وبالبيت وبعض الناس المحيطة والمقربة منك عم تكون سبب مشاكلك وعم تظهر بوجه العدو الك وفكر بشغل ضمن شركة وانتبه صحيا ..

❤️ عاطفيا : عندك تعب وماعم تكون مرتاح وعم تفكر تحسم او تنهي كل شي لكن برايي تصبر وتساير ..

النسبة المئوية :

مهنيا : %66   ماليا : %67   عاطفيا : %60   صحيا : %59

 

العقرب♏

 

عندك كتير ناس معك وحولك وعم تتكون عندك علاقات جديدة ويمكن تحضر مناسبة او عزيمة وكمان عم تجيك عزيمة او دعوة هاليوم وحاول تطلع وتشوف الناس وتقابل رفقاتك وفرصة كمان انك تطلب مساعدة ..

❤️عاطفيا : اجواء حلوة عندك وفرصة الارتباط ممكنة وعم تتحسن العلاقات نسبيا ..

النسبة المئوية :

مهنيا : %76   ماليا : %70   عاطفيا : %77   صحيا : %72

 

القوس♐

 

بدي منك تنتبه لوضعك وماتخالف القوانين هاليوم وفي ناس عم تحكي عليك وعندك شي مهم او شغل جديد ولقاءات على مستوى وكمان في شي بخص الشهرة وامور عائلية مع الاهل بدها حل عندك هاليوم ..

❤️ عاطفيا : يوم مميز وعندك علاقات كتير مهمة ولازم تعرف تخلي علاقتك مستقرة وبدون مشاكل ..

النسبة المئوية :

مهنيا : %71   ماليا : %66   عاطفيا : %74   صحيا : %68

 

الجدي♑

 

عم شوفك هاليوم عم تفكر بالسفر او عم تغير مكانك او تتنقل ولازم تحل مشاكل بيتك او اذا في شي عقاري او مع اخ وعم تلاقي حالك مرتاح اكتر وعم تطلع او تسافر ومال ممكن يجيك من شخص بعيد ..

❤️ عاطفيا : استغل يومك وفكر بعلاقتك صح وحاول تكون مع اشخاص بترتاح الها وبتعطيك الاضافة بالحب ..

النسبة المئوية :

مهنيا : %86   ماليا : %80   عاطفيا : %85   صحيا : %82

 

الدلو♒

 

يوم لتحط فيه النقاط على الحروف وتعمل تصفية لبعض الاشخاص وترتاح من مشكلة والوضع الحالي عم يريحك زممكن تصرف مال كتير وتهتم بحدا مقرب منم وعم تسترجع راحتك وتكسب مبلغ مالي ..

❤️عاطفيا : عم تكون افضل وفي رومنسية وفيك تحسم وضعك بالعلاقة وعندك شخص عم يرجع ..

النسبة المئوية :

مهنيا : %71   ماليا : %74   عاطفيا : %70   صحيا : %68

 

الحوت♓

 

انتبه هاليوم وماتعمل مشاكل مع حدا ولا تدخل بمواجهات لان الناس بتستفزك تعمل مشكلة وغير هيك الكل عم يستغلك ويمكن ناطر مبلغ مالي وفي موضوع شراكة ماعم تكون مرتاح فيها وحاول تكون رايق..

❤️ عاطفيا : عم يكون يومك صعب وعندك ضغط من الشريك ومو مرتاح لأن ماحدا عم يستوعبك وفترة بدها رواق منك ..

النسبة المئوية :

مهنيا : %66   ماليا : %68   عاطفيا : %63   صحيا : %60

 

#الفلكي_منيب_الشيخ