Manga

أبراج الجمعة 25 فبراير 2022. | موقع ستيب


أبراج الجمعة 25 فبراير 2022.

 

القمر المسا بينتقل لبرج الجدي.

 

الحمل.

عم يكون يومك مميز بالنهار وناطرك اوقات حلوة وفرص سفر وعلاقات جديدة وعم تقدر تعمل اي شي بدك وتغير بحياتك وشكلك والمسا في قصص بتدايقك بتخص الاب والاهل وهدي ولاتنفعل.

 

 

عاطفيا: من الايام يلي فيها شي حلو وعلاقاتك تمام بتكون لكن شوي بيزعجك الشريك المسا.

النسبة المئوية :

  • مهنيا : %74   ●ماليا : %78   ●عاطفيا : %79   ●صحيا : %73

 

الثور.

عم يكون يوم لتحسم امورك وتخلص من مشاكلك وتصالح شخص غالي عليك وفي اصدقاء عم تساعدك واجواء حلوة وعزيمة وبالسهرة بكون في ناس جديدة وفرص سفر وبتحكي شخص بعيد عنك كمان.

 

عاطفيا: من الايام يلي فيها اجواء رومنسية وناس جديدة وهالشي بيدعمك كتير.

النسبة المئوية :

  • مهنيا : %79   ●ماليا : %83   ●عاطفيا : %80   ●صحيا : %76

 

الجوزاء.

ماعم تكون رايق وفي مشاكل عندك من الصبح مع العيلة والاهل ولازم تروق وتخفف مزاجية وخاصة اذا في شريك مزعج ومستفز والمسا افضل الوضع وفي حلول بكون وعلاقات بتتحسن وصحة افضل.

 

 

عاطفيا: بدي منك تروق لان هاليوم ماكتير مريح وخاصة انو الشريك ناطرك على كلمة وانت مو ناقص.

النسبة المئوية :

  • مهنيا : %67   ●ماليا : %61   ●عاطفيا : %69   ●صحيا : %60

 

السرطان.

من الأيام يلي فيها كتير قصص عم تشتغل عليها ويمكن عم تضب غراضك مشان سفر او في قصة شاغلة بالك ومشوار بعيد وامور صحية بتخص مرض والمسا خليك رايق ولاتكبر المشاكل ولاتزيد حساسيتك.

 

 

عاطفيا: بدك مين يكون حدك وسند الك بدل مايزيدها عليك ومو فاضي مخك كتير للحب هاليوم.

النسبة المئوية :

  • مهنيا : %67    ●ماليا : %61   ●عاطفيا : %68   ●صحيا : %63

 

القمر المسا بينتقل لبرج الجدي.

 

الأسد.

عم يكون نهارك حلو وفي اخبار بتفرحك وعم تقضي وقت حلو مع العيلة ومع ناس بتحبها وفي امور بتخص طفل او ابن كمان عندك ومن المسا لازم تنتبه لوضعك الصحي وتحاول تنهي امورك اول باول.

 

 

عاطفيا: عندك جاذبية وعلاقات عم ترجع واجواء بتدعمك رومنسيا وبتخليك اقرب للشريك.

النسبة المئوية :

  • مهنيا : %78   ●ماليا : %75   ●عاطفيا : %81   ●صحيا : %68

 

العذراء.

في شوية مشاكل وضغط عائلي وامور بتخص الاهل عم تشغلك بالنهار ومو مرتاح حتى صحيا وفي شخص مقرب شاغلك وضعك او مشاكل مع المقربين والمسا اوقات افضل وسهرة حلوة وحلول وقصة طفل.

 

 

عاطفيا: بدي منك تنطر وتهدي بالنهار لان السهرة حلوة وفيها اوقات عاطفية بتدعمك اطمن.

النسبة المئوية :

  • مهنيا : %75    ●ماليا : %80   ●عاطفيا : %76   ●صحيا : %70

 

الميزان.

عم تكون علاقاتك تمام وفي قصة مع اخ شاغلتك وكمان في تصليحات لموبايل او سيارة واستغل يومك لتنهي امور متراكمة عندك وتكون افضل بشغلك ومع عيلتك وانتبه من الحوادث والمسا قصة بتشغلك بالبيت.

 

 

عاطفيا: هاليوم بيحملك تواصل حلو  وعم تقدر تصل وتقنع الشريك وقت بدك وفي علاقات حلوة.

النسبة المئوية :

  • مهنيا : %71    ●ماليا : %69   ●عاطفيا : %76   ●صحيا : %67

 

العقرب.

من الايام يلي مشغول فيها بقصص بتخص طبخ واكل وامور مالية ويمكن عامل عزيمة او في نفقات زايدة سببها طفل او ابن والمسا بكون في نشاط وعلاقات وسهرة وبتلتقي بكتير اشخاص كمان.

 

 

عاطفيا: باب قلبك هو بطنك بهاليوم وفي اجواء حلوة وسهرة رومنسية وناس كتير بتحكيك.

النسبة المئوية :

  • مهنيا : %77   ●ماليا : %82   ●عاطفيا : %76   ●صحيا : %68

 

أبراج الجمعة 25 فبراير 2022.

 

القوس.

أبراج عم يكون هاليوم مميز وطاقتك فيه عالية وعم تحل مشاكل البيت والعيلة وترتب امورك مع الاهل وفي قصة عقار او تغيير مكان شاغلتك والمسا بتشغلك امور المال وخفف مصروف حتى ماتحتاج.

 

 

عاطفيا: يعتبر يوم جيد وعم تلاقي كتير اشخاص جدد عم تتقرب منك بهيك يوم.

النسبة المئوية :

  • مهنيا : %85   ●ماليا : %83   ●عاطفيا : %79   ●صحيا : %80

 

الجدي.

ماعم تكون مرتاح بالنهار وفي قصة مشغول فيها بتخص الاخوة او تصليحات لسيارة او حتى مشاكل مع المقربين وانتبه من الحوادث والمسا افضل بكتير وعندك تواصل وشهرة وخبر حلو بيجيك.

 

 

عاطفيا: حاول تفكر كيف تلاقي الشريك المناسب وتاخد قرار بعلاقتك المسا وتعرف شو بدك.

النسبة المئوية :

  • مهنيا : %76   ●ماليا : %82   ●عاطفيا : %80   ●صحيا : %79

 

الدلو.

أبراج عم يكون نهارك حلو بعزايمة ولمة ناس واصدقاء وعلاقات حلوة وعم تنبسط بدعم الكل الك معنويا وماليا يعني فيك تطلب شو بدك هاليوم والمسا انتبهلي من شوية ضغط ومشاكل وقصص مالية وزيادة وزن.

 

 

عاطفيا: كتير ناس بنهارك معك واجواء حلوة ناطرتك لتكون بوضع تمام وتستغل عاطفتك لكن انتبه المسا وروق.

النسبة المئوية :

  • مهنيا : %69   ●ماليا : %67   ●عاطفيا : %66   ●صحيا : %63

 

الحوت.

عم تكون العيون عليك وفي فرصة شغل او منصب عند البعض واستغل علاقات مهمة لتصل لمكانة افضل ويمكن يكون في شهرة وزيادة شعبية بالسهرة وكمان لمة ناس وعزيمة ومناسبة عم تحضرها.

 

 

عاطفيا .. بدي منك تستغل علاقاتك بأفضل طريقة وممكن كتير يكون عندك فرصة ارتباط.

النسبة المئوية :

  • مهنيا : %77   ●ماليا : %76   ●عاطفيا : %74   ●صحيا : %70

 

الفلكي منيب الشيخ.

 

تابعوا أخبار الفنانين عبر صفحتنا الرسمية “ستيب”